Падзеі
28.07.2023
27 ліпеня 2023 года адказныя супрацоўнікі Дзяржаўнага прадпрыемства «Белзарубежгандаль» прынялі ўдзел у анлайн-семінары (вебінары) «Ахова персанальных дадзеных: працуем без парушэнняў», падрыхтаванага і праведзенага Дзяржаўнай установай адукацыі «Цэнтр падрыхтоўкі, павышэння кваліфікацыі і перападрыхтоўкі кадраў «Развіццё».
Семінар правёў кандыдат юрыдычных навук, дацэнт У.У. Лосеў, які разгледзеў пытанні: «Персанальныя дадзеныя: што гэта, хто павінен іх абараняць і чаму?», «Што такое апрацоўка персанальных дадзеных?», «Якія права ёсць у суб’ектаў персанальных дадзеных?», «Хто і як кантралюе працу арганізацый па ахове персанальных дадзеных?», «Адказнасць адміністрацыйная, крымінальная, дысцыплінарная, грамадзянска-прававая: наколькі гэта сур’ёзна?», «Што павінна быць зроблена ў арганізацыі для выканання патрабаванняў Закона аб ахове персанальных дадзеных?», «Палітыка ў адносінах да апрацоўкі персанальных дадзеных. Што яшчэ ўваходзіць у камплект дакументаў па іх ахове?», «У якіх выпадках можна апрацоўваць персанальныя дадзеныя без згоды суб’екта?», «Як законна атрымаць згоду суб’екта на апрацоўку персанальных дадзеных?», «Як зрабіць відэаназіранне законным?».
Удзельнікі семінара атрымалі кампетэнтную інфармацыю аб ахове персанальных дадзеных і вычарпальныя адказы на пытанні, якія ўзніклі падчас семінара.
21.07.2023
Перавагі і звычкі карыстальнікаў сеткі Інтэрнэт пастаянна мяняюцца. Раней асноўным спосабам выхаду ў інтэрнэт быў стацыянарны камп’ютар, і спачатку вэб-сайты праектаваліся такім чынам, каб карэктна адлюстроўвацца на стацыянарных прыладах. Аднак, час змяніўся, і з ростам папулярнасці смартфонаў і планшэтаў пераважная колькасць карыстальнікаў аддаюць перавагу атрыманню інфармацыі за кошт прагляду кантента, які іх цікавіць, з мабільных прылад.
Больш за палову карыстальнікаў сеткі Інтэрнэт шукаюць інфармацыю, тавары і паслугі менавіта праз мабільныя прылады. Больш за 40% людзей сцвярджаюць, што будуць шукаць іншы рэсурс, калі ў выбранай пляцоўкі няма мабільнай версіі. Адначасова, чакаецца, што да 2040 года 95% пакупак спажыўцы будуць рабіць у інтэрнэце. Пры гэтым мабільная версія сайта прадстаўляе сабой самастойны паўнавартасны праект, у рамках якога распрацоўваецца спецыяльны дызайн, аптымізуецца кантэнт і прапрацоўваюцца юзабіліці.
Каб зрабіць сайт больш папулярным, забяспечыць сістэматычнае нарошчванне трафіку і дзеля павышэння даступнасці да інфармацыі аб дзейнасці прадпрыемства для ўсіх катэгорый карыстальнікаў, Дзяржаўным прадпрыемствам «Белзарубежгандаль» вядзецца праца па ўдасканаленні мабільнай версіі сайта: абнаўленне інтэрфэйса; забеспячэнне доступу да новых укладак, якія раней былі недаступны з мабільных прылад; паляпшэнне навігацыі па сайце; даданне стужкі навін. Акрамя таго, плануецца правесці працы па абнаўленні дызайну і структуры мабільнай версіі сайта.
14.07.2023
На Дзяржаўным прадпрыемстве «Белзарубежгандаль» у выкананне загаду Кіраўніка справамі Прэзідэнта Рэспублікі Беларусь ідзе падрыхтоўка да Спартакіяды сярод працаўнікоў арганізацый Кіравання справамі Прэзідэнта Рэспублікі Беларусь, прысвечанай Году міра і стварэння, якая пройдзе ў сярэдзіне жніўня. Два супрацоўніка прадпрыемства ўключаны ў склад зборнай каманды №5, якая складаецца з працаўнікоў арганізацый гандлю, грамадскага харчавання і гасцініц. Каманда атрымала назву «Цудоўная васьмёрка». Супрацоўнікі Дзяржаўнага прадпрыемства «Белзарубежгандаль» прымуць удзел у спаборніцтвах па мнагабор’ю і спартыўнай эстафеце.
19.06.2023
15 чэрвеня 2023 года 4 супрацоўнікі прадпрыемства здалі экзамен Камісіі Кіравання справамі Прэзідэнта Рэспублікі Беларусь па пытаннях аховы працы і атрымалі адпаведныя пасведчанні, якія ім уручыў намеснік Кіраўніка справамі Прэзідэнта Рэспублікі Беларусь, старшыня названай камсісіі М.М. Рагашчук.
01.06.2023
1 чэрвеня 2023 года – Міжнародны дзень аховы дзяцей і Сусветны дзень бацькоў.
«Дзеці – гэта галоўнае. Вы – аснова, будучае любой дзяржавы. Прыходзіце ў школу, як ў храм, і пройдзіце гэты шлях годна. Таму што гэта ваш фундамент на ўсё жыццё», – даў наказ навучэнцам Прэзідэнт Рэспублікі Беларусь А.Р. Лукашэнка пад час адкрыцця школы.
Сёння двое малышоў ёсць у кожнай трэцяй сям’і. Амаль на 70% стала больш шматдзетных сям’яў – усяго 122 тысячы, з ніх 80% – з трыма дзецьмі. У рэйтынгу краін, спрыяльных для мацярынства і нараджэння дзяцей, Беларусь займае 25 месца сярод 179 краін і першае месца сярод дзяржаў СНД.
У Беларусі больш дваццаці гадоў існуе рознаўзроўневая сістэма аховы здароў’я маці і малыша. Па паказчыку дзіцячай смяротнасці да пяці гадоў Беларусь займае чацвёртае месца ў свеце і дзеліць яго з Аўстрыяй, Аўстраліяй, Бельгіяй, Германіяй, Даніяй, Ірландыяй, Партугаліяй, Чарнагорыяй і Швейцарыяй. За здароў’ем дзяцей сочаць каля 5 тысяч лекараў педыятрычнага профілю. Медыцынская дапамога даступная кожнаму дзіцяці. Маленькаму беларусу не могуць адмовіць у прыёме, таму што ў яго бацькоў няма медстрахоўкі. Мы даўно ўспрымаем як належнае, што ў нас ёсць медыцынскія цэнтры міравога ўзроўню: РНПЦ «Маці і дзіця», дзіцячы анкацэнтр, кардыяхірургічны комплекс і гэтак далей.
Паняццям «мір, сям’я, спачуванне» беларусы заўсёды надавалі асаблівы сэнс, таму яшчэ ў 1995 годзе нарадзілася акцыя «Нашы дзеці». Тады Ўказам Прэзідэнта Рэспублікі Беларусь быў зацверджаны першы Нацыянальны план дзеянняў па паляпшэнні становішча дзяцей і ахове іх правоў. У выніку яго выканання стварылі Нацыянальны цэнтр усынаўлення і банк дадзеных дзяцей-сірот, пабудавалі дзіцячыя вёскі ў Кобрыне і Бараўлянах, пашырылі сетку реабілітацыйных цэнтраў. З цягам часу акцыя «Нашы дзеці» пераўтварылася ў маштабны дабрачынны марафон і стала неад’емнай часткай сацыяльнай палітыкі дзяржавы.
У Беларусі любяць паўтараць фразу «чужых дзетак не бывае», і яна тычыцца ня толькі маленькіх грамадзян нашай краіны, але і малышоў любой нацыянальнасці, ці то гэта дзеці з Блізкага ўсходу ці з Данбасу. Нашы людзі не маглі абыякава назіраць за пакутамі дзяцей мігрантаў на беларуска-польскай мяжы. Ім ня толькі арганізавалі харчаванне і побыт, але стварылі ўмовы для навучання. Перыядычна арганізуецца аздараўленне замежных дзяцей у дзіцячым лагеры «Зубраня». У 2023 годзе реабілітацыю ў Беларусі прайшлі больш за тры тысячы дзяўчынак і хлопчыкаў з Данбасу.
Клопат аб падрастаючым пакаленні – прыярытэтны накірунак палітыкі Беларусі. Дзяржава робіць усё магчымае для таго, каб нашы дзеці выраслі здаровымі і шчаслівымі.
У Дзяржаўным прадпрыемстве «Белзарубежгандаль» многае робіцца для рэалізацыі палітыкі дзяржавы, накіраванай на падтрымку дзяцей і сям’і. У калектыўнай дамове прадпрыемства прапісаны і выконваюцца ільготы бацькам, якія маюць малалетніх дзяцей да 12 гадоў і дзяцей школьнага ўзросту, згодна з дзеючым заканадаўствам.
26.05.2023
У перыяд з 15 па 18 траўня 2023 года намеснік генеральнага дырэктара Каўхута А.М. і вядучы спецыяліст аддзела рэалізацыі хімічнай прадукцыі Руды Я.В. прайшлі навучанне ў Рэспубліканскім унітарным прадпрыемстве «Рэспубліканскі цэнтр аховы працы Міністэрства працы і сацыяльнай аховы Рэспублікі Беларусь». Праграма навучання ўключала раздзелы: уступны інструктаж, прававыя асновы аховы працы ў Рэспубліцы Беларусь, арганізацыя і ўпраўленне аховай працы, вытворчая санітарыя і гігіена працы, прамысловая бяспека, абавязковыя медагляды, аказанне першай дапамогі пацярпелым пры няшчасных выпадках.
Па выніках навучання вышэй азначаныя супрацоўнікі дзяржаўнага прадпрыемства «Белзарубежгандаль» здалі залік і атрымалі пасведчанні аб павышэнні кваліфікацыі.
Таксама, 25 траўня 2023 года начальнік агульнага аддзела Іванова А.С. прыняла ўдзел у навучальным анлайн-семінары, які быў арганізаваны Нацыянальным цэнтрам абароны персанальных дадзеных Рэспублікі Беларусь», па тэме «Апрацоўка персанальных дадзеных: прававыя асновы, ахова, кантроль».
Пасля семінара атрыманы дакументы аб праходжанні навучання.
15.05.2023
Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь
У другую нядзелю траўня, у адпаведнасці з Указам Прэзідэнта Рэспублікі Беларусь № 157 ад 26 сакавіка 1998 года, святкуецца Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь.
У адпаведнасці з артыкулам 19 Канстытуцыі Рэспублікі Беларусь сімваламі нашай краіны як суверэннай дзяржавы з’яўляюцца Дзяржаўны сцяг, Дзяржаўны герб и Дзяржаўны гімн.
Эталон герба і Палажэнне аб сцягу былі зацверджаны Ўказам Прэзідэнта Рэспублікі Беларусь ад 7 чэрвеня 1995 года па выніках праведзенага 14 траўня 1995 года рэспубліканскага рэферэндуму, адным з пытанняў якога было ўстанаўленне дзяржаўнай сімволікі, а прававое рэгуляванне пытанняў дзяржаўных сімвалаў Рэспублікі Беларусь (устаноўленых Канстытуцыяй Рэспублікі Беларусь), парадак іх выкарыстання, ажыцяўляецца ў адпаведнасці з Законам Рэспублікі Беларусь «Аб дзяржаўных сімвалах Рэспублікі Беларусь» ад 5 ліпеня 2004 года.
10.05.2023
9 мая – Дзень Перамогі ў вайне над фашысцкай Германіяй з’яўляецца ў Расіі, Беларусі, шэрагу былых савецкіх республік і шэрагу краін Еўропы адным з самых важных, кранальных і слаўных свят.
9 мая 1945 года завяршылася Вялікая Айчынная вайна, якая была часткай Другой сусветнай вайны 1939-1945 гадоў. Яна пачалася досвіткам 22 чэрвеня 1941 года, калі фашысцкая Германія, парушыўшы савецка-германскія дамовы 1939 года, напала на Савецкі Саюз. Вайна доўжылася амаль чатыры гады і стала самым буйным узброеным сутыкненнем у гісторыі чалавецтва. На фронце, які распасціраўся ад Баранцава да Чорнага мораў, з абедзвух бакоў у розныя перыяды вайны адначасова змагаліся ад 8 мільёнаў да 13 мільёнаў чалавек, прымянялася ад 6 тысяч да 20 тысяч танкаў і штурмавых гармат, ад 85 тысяч да 165 тысяч гармат і мінамётаў, ад 7 тысяч да 19 тысяч самалётаў.
Першы Дзень Перамогі ў гісторыі адзначылі ў 1945-м годзе. На Чырвонай Плошчы ў Маскве ў гонар перамогі ў Вялікай Айчыннай вайне 24 чэрвеня адбыўся ваенны парад, які прымаў маршал Георгій Жукаў.
Падзея, якая назаўсёды ўвайшла ў сусветную гісторыю – звяржэнне нацысцкіх сцягоў і штандараў – яны былі кінутыя на памост каля Маўзалею, адбылося менавіта на гэтым парадзе.
У гонар Дня Перамогі супрацоўнікі Дзяржаўнага прадпрыемства «Белзарубежгандаль» усклалі вянок да Помніку танкістам і партызанам, якія загінулі ва Ўруччы ў першыя дні вызвалення Мінска ад нямецка-фашысцкіх захопнікаў.
03.05.2023
30 красавіка 2023 года Дзяржаўным прадпрыемствам «Белзарубежгандаль» у рамках выканання Плана мерапрыемстваў па інфармацыйна-ідэалагічнай працы ў арганізацыях сістэмы Кіравання справамі Прэзідэнта Рэспублікі Беларусь на 2023 год, а таксама ў сувязі з аб’явай Года міра і стварэння быў праведзены выязны семінар у Свята-Успенскім Жыровіцкім манастыры.
У семінары ўдзельнічалі члены інфармацыйна-ідэалагічнай групы і іншыя супрацоўнікі Дзяржаўнага прадпрыемства «Белзарубежгандаль».
Адказны за інфармацыйна-ідэалагічную працу на прадпрыемстве паведаміў аб выкананні Плана мерапрыемстваў па інфармацыйна-ідэалагічнай працы ў арганізацыях сістэмы Кіравання справамі Прэзідэнта Рэспублікі Беларусь за першы квартал 2023 года. Нагадаў, што ў мэтах кансалідацыі беларускага народа, умацавання ў грамадстве ідэй міру і стваральнай працы, як галоўных умоў развіцця беларускай дзяржавы, Прэзідэнтам Рэспублікі Беларусь 2023 год аб’яўлены Годам міра і стварэння. Адпаведны Ўказ №1 ад 1 студзеня 2023 года падпісаў Кіраўнік дзяржавы А.Р. Лукашэнка.
Выязны семінар быў арганізаваны з дапамогай кіраўніцтва Беларускай праваслаўнай царквы і праведзены ў Свята-Успенскім Жыровіцкім мужскім манастыры (Слонімскі раён Гродзенскай вобласці), які ўжо больш за 500 гадоў з’яўляецца апорай праваслаўя на беларускіх землях, крыніцай міра паміж рознымі канфесіямі і стваральнай працы. Манастыр перажыў складаную гісторыю служэння беларускаму народу, гісторыю войн і барацьбы за чысціню веры і яе адраджэнне.
У цяперашні час манастыр падначалены мітрапаліту Мінскаму і Заслаўскаму Веніяміну, патрыяршаму экзарху ўсея Беларусі. Его Намеснік у манастыры – арцыбіскуп Навагрудскі і Слонімскі Гурый.
У комплекс манастыру ўваходзяць чатыры храмы і прылеглыя пабудовы – Яўленская царква, Крыжаўзвіжанская царква, храм Мікалая Цудатворца і Ўспенскі сабор, царква вялікамучаніка Георгія Пераможцы (знаходзіцца на могілках), званіца, будынак семінарыі, жылы манастырскі комплекс, трапезная, гаспадарчыя пабудовы, агарод і заасад.
Свята-Успенскі Жыровіцкі манастыр стаіць на месцы з’яўлення ў 1470 годзе маленькай цудатворнай іконы Божай Маці, якая сёння ўваходзіць у сотню самых шаноўных святыняў праваслаўнага свету і прызнана (каранавана) Ватыканам. Гэта адна з найбольш шаноўных святыняў у Беларусі. Шануецца за цудатворную ў Праваслаўнай церкве і Каталіцкім касцёле (уключаючы Беларускую грэка-каталіцкую царкву). Свята іконы 7 (20) мая. Ва Ўспенскім саборы таксама знаходзіцца бронзавы кіёт з машчамі 20 святых і часткамі Крыжа Гасподня, скалы Гроба Гасподня, гроба Багародзіцы і скалы з вострава Патмас.
Удзельнікі семінара наведалі храмы на тэрыторыі манастыра, праслухалі лекцыю навучэнцаў мужской духоўнай семінарыі аб асаблівасцях навучання ў семінарыі, распарадку дня і відах паслухмянасці, аб гісторыі стварэння і этапах будаўніцтва манастыра.
Удзельнікі семінара ўшанавалі памяць мітрапаліта Філарэта – Героя Беларусі, а таксама іншых святароў, пахаваных на тэрыторыі манастыра. Аглядзелі званы, адлітыя ў Расіі спецыяльна для званіцы манастыра, якую плануюць пабудаваць да 2025 года. Азнаёміліся з заасадам, азёрамі, садамі і палямі, на якіх працуюць манахі і семінарысты.
Удзельнікі семінара пакланіліся цудатворнай іконе Божай Маці і бронзаваму кіёту з машчамі 20 святых, пакаштавалі хлеб, прыгатаваны манахамі па спецыяльнаму старажытнаму рэцэпту, і ваду са святой крыніцы манастыра.
Выязны семінар працягнуўся на тэрыторыі Свята-Троіцкай царквы ў Слоніме, дзе пробашч храма – айцец Мікалай паказаў унутранае ўбранне храма і расказаў аб гісторыі яго стварэння і аб сучаснай дзейнасці праваслаўных прыходаў Слоніма.
У заключэнні працы семінара былі прыняты рашэнні размясціць інфармацыю аб выязным семінары на сайце Дзяржаўнага прадпрыемства «Белзарубежгандаль», а таксама працягнуць выкананне Плана мерапрыемстваў па інфармацыйна-ідэалагічнай працы ў арганізацыях сістэмы Кіравання справамі Прэзідэнта Рэспублікі Беларусь на 2023 год, у тым ліку ў фармаце выязных семінараў.
27.04.2023
37-ая гадавіна аварыі на Чарнобыльскай АЭС
37 гадоў назад, 26 красавіка 1986 года, адбылася катастрофа на Чарнобыльскай АЭС, ад якой Беларусь пацярпела ў найбольшай ступені.
У выніку аварыі ў атмасферу быў выкінуты практычна ўвесь спектар радыёнуклідаў, у тым ліку ёду-131 (перыяд паўраспаду 8 дзён), цэзія-134 (перыяд паўраспаду 2 гады), цэзія-137 (перыяд паўраспаду 30 гадоў), стронцыя-90 (перыяд паўраспаду 28-29 гадоў).
У першыя тыдні пасля аварыі асаблівую небяспеку для людзей уяўляў радыёактыўны ёд, ізатопы якога, патрапіўшы ў арганізм, канцэнтруюцца ў шчытападобнай залозе і выклікаюць яе апрамяненне.
У доўгатэрміновым плане асноўным дозаўтваральным радыёнуклідам на большай частцы чарнобыльскага следу з’явіўся цэзій-137. Аналіз радыёактыўнага забруджання тэрыторыі Еўропы цэзіем-137 паказвае, што каля 35% чарнобыльскіх выпадзенняў радыёцэзія на еўрапейскім кантыненце знаходзіцца на тэрыторыі Рэспублікі Беларусь, і вызначаны для рэспублікі як нацыянальнае экалагічнае бедства.
Пры гэтым, у выніку аварыі ў Беларусі вылучылася некалькі асноўных плям забруджання:
- першая – 30-кіламетровая зона вакол станцыі, дзе ўзроўні забруджання глебы цэзіем-137 былі надзвычай высокія;
- другая – так званы паўночна-заходні след, да якога адносяцца паўднёвая і паўднёва-заходняя часткі Гомельскай вобласці, цэнтральныя часткі Брэсцкай, Гродзенскай і Мінскай абласцей (узроўні забруджання ў гэтым следзе істотна ніжэй, чым у бліжэйшай зоне Чарнобыльскай АЭС);
- трэцяя – поўнач Гомельскай і цэнтральная частка Магілёўскай абласцей.
Паводле дадзеных за 2023 год, на тэрыторыях радыёактыўнага забруджання аказалася 3678 населеных пунктаў, у якіх пражывалі 2,2 млн. чалавек; 479 населеных пунктаў спынілі існаванне. З пацярпелых ад чарнобыльскай катастрофы тэрыторый адселена 137,7 тыс. чалавек, з якіх 75% – жыхары Гомельскай вобласці.
Пасля распаду Савецкага Саюза Рэспубліка Беларусь вымушана была самастойна вырашаць увесь комплекс чарнобыльскіх праблем. 28 ліпеня 1992 года была ўхвалена Дзяржаўная праграма па пераадоленні ў Рэспубліцы Беларусь наступстваў катастрофы на Чарнобыльскай АЭС на 1993-1995 гады і на перыяд да 2000 году. Паслядоўна былі прыняты і ўхвалены праграмы па пераадоленні ў Рэспубліцы Беларусь наступстваў катастрофы на ЧАЭС на наступныя перыяды: 1996-2000 гады, 2001-2005 гады і на перыяд да 2010 года, на 2006-2010 гады, на 2011-2015 гады и на перыяд да 2020 года, на 2016-2020 и на 2021-2025 гады.
Даведачна. Сярод мэт дзяржпраграмы – сацыяльная абарона насельніцтва, пацярпелага ад катастрофы на Чарнобыльскай АЭС, безумоўнае забеспячэнне патрабаванняў радыяцыйнай бяспекі, паскоранае сацыяльна-эканамічнае развіццё і адраджэнне забруджаных радыёнуклідамі тэрыторый.
Акрамя таго, у 2023 годзе заверджана стратэгія па абыходжанні з радыёактыўнымі адходамі. Дакументам прадугледжана аптымізацыя пунктаў пахавання прадуктаў дэзактывацыі. Будзе створаны адзіны пункт пахавання радыёактыўных адходаў, першую чаргу аб’екта плануецца ўвесці ў эксплуатацыю да 2030 года.
Дзякуючы прынятым мерам за пасляаварыйны перыяд плошча тэрыторыі Беларусі, забруджанай цэзіем-137, скарацілася практычна ўдвая. На сёння плошча забруджання складае 12,3% ад усёй тэрыторыі краіны. Па стане на 1 студзеня 2023 года забруджанымі на ўзроўні звыш за 1 Кі/кв.км застаюцца больш за 1,5 млн га лясоў (15,5% ад агульнай плошчы ляснога фонду) і 825 тыс. га сельскагаспадарчых земляў (амаль 11% ад іх агульнай плошчы). Паступова зніжаецца доза знешняга апрамянення насельніцтва ў сувязі з распадам цэзія-137, радыяцыйная абстаноўка паляпшаецца. Аднак яна працягвае заставацца напружанай на тэрыторыі Палескага дзяржаўнага радыяцыйна-экалагічнага запаведніка. На яго долю з усіх выпаўшых у Беларусі радыёнуклідаў прыйшлося больш за 30% цэзія-137, 73% – стронцыя і 97% – ізатопаў плутонія.
26.04.2023
У адпаведнасці з загадам Кіраўніцтва справамі Прэзідэнта Рэспублікі Беларусь № 59 ад 17.04.2023 г. «Аб правядзенні республіканскага суботніка ў 2023 годзе» Дзяржаўным прадпрыемствам «Белзарубежгандаль» быў праведзены суботнік сумесна з супрацоўнікамі бізнес-цэнтра «ХХ1 Век» ДУ ДГУ Кіраўніцтва справамі Прэзідэнта Рэспублікі Беларусь па адрасы г. Мінск, праспект Незалежнасці, 169.
Дзяржаўным прадпрыемствам «Белзарубежгандаль» была праведзена за кошт уласных сродкаў закупка саджанцаў ліпы буйналіставой у Дзяржаўнай лесагаспадарчай установе «Мінскі лясгас» у якасці пасадачнага матэрыялу. Гэтыя ліпы, а таксама ёлкі, падчас суботніку былі высаджаны супрацоўнікамі Дзяржаўнага прадпрыемства «Белзарубежгандаль» для азелянення терыторыі каля бізнес-цэнтра «ХХ1 Век». Гэтая тэрыторыя была добраупарадкавана і прыбрана. Акрамя таго, была праведзена ўборка працоўных месцаў.
18.04.2023
Як паведаміў тэлеграм канал ААТ «Мазырскі НПЗ» https://t.me/mnpmnpz, 35 год назад, а менавіта – у красавіку 1988 года, на Мазырскім НПЗ атрымалі ПЕРШУЮ партыю аўтамабільнага бензіну АІ-92.
Загадам старшыні канцэрна «Белнафтахім» ад 17.04.2023 № 99 зацверджаны прэйскурант «Адпускныя цэны на нафтапрадукты, якія рэалізуюцца на ўмовах франка-станцыі прызначэння», які ўводзіцца ў дзеянне з 18 красавіка 2023 г.
Кошт 1 тоны з улікам НДК складзе:
бензіна неэтыляванага АІ-92-К5-Еўра – BYN 2 804,11;
бензіна неэтыляванага АІ-95-К5-Еўра – BYN 2 914,38;
дызельнага паліва ДП–Л-К5, сорт С – BYN 2 671,40.
Гэта сёмае з пачатку сакавіка 2023 года зніжэнне цэн.
17.04.2023
Прафесійны рост
На пастаяннай аснове ў Республіканскім гандлёвым унітарным прадпрыемстве «Белзарубежгандаль» вырашаюцца пытанні падрыхтоўкі і ўдасканалення кадраў. Так, у адпаведнасці з новаўвядзеннямі ў заканадаўстве Рэспублікі Беларусь па пытаннях персанальных дадзеных і інфармацыйнай бяспецы (Закон Рэспублікі Беларусь ад 7 мая 2021 г. № 99-З «Аб абароне персанальных дадзеных» і Закон Рэспублікі Беларусь ад 10 лістапада 2008 г. № 455-З «Аб інфармацыі, інфарматызацыі і абароне інфармацыі»), супрацоўнікі Республіканскага гандлёвага унітарнага прадпрыемства «Белзарубежгандаль» праходзяць перападрыхтоўку ў Акадэміі кіравання пры Прэзідэнце Рэспублікі Беларусь па наступных накірунках: «Інфармацыйна-аналітычная работа ў сістэме органаў дзяржаўнага кіравання» і «Кіраванне персаналам».
Акрамя таго, супрацоўнік прадпрыемства накіраваны для ўдзелу ў семінары на тэму «Апрацоўка персанальных дадзеных: прававое забеспячэнне, ахова, кантроль», які арганізаваны Нацыянальным цэнтрам аховы персанальных дадзеных Рэспублікі Беларусь. Арыенціровачныя тэрміны правядзення – май 2023 года.
14.04.2023
Загадам старшыні кацэрна «Белнафтахім» ад 10.04.2023 № 91 зацверджаны прэйскурант «Адпускныя цэны на нафтапрадукты, якія рэалізуюцца на ўмовах франка-станцыі прызначэння, які ўводзіцца ў дзеянне з 11 красавіка 2023 г.
Кошт 1 тоны з улікам НДК складзе:
- бензіна неэтыляванага АІ-92-К5-Еўра – BYN 2 819,71 (не змянілася);
- бензіна неэтыляванага АІ-95-К5-Еўра – BYN 2 929,98;
- дызельнага паліва ДП –Л-К5, сорт С – BYN 2 685, 80.
Гэта шостае з пачатку сакавіка 2023 года зніжэнне цэн.
05.04.2023
Як паведаміў тэлеграм канал ААТ «Мазырскі НПЗ» https://t.me/mnpmnpz, аднавіла працу бітумная ўстаноўка і з 1 красавіка пачалася адгрузка бітума як на ўнутраны рынак, так і на экспарт. Такая інфармацыя была агучана на аператыўна-вытворчай нарадзе пад кіраўніцтвам генеральнага дырэктара прадпрыемства В.П. Паўлава. «Паступова з паляпшэннем надвор’я аб’емы рэалізацыі бітуму будуць павялічвацца, што таксама дазволіць павысіць эфектыўнасць працы прадпрыемства», – адзначыў Віталь Пятровіч.
Паводле выпіскі з загада старшыні канцэрна «Белнафтахім» ад 03.04.2023 №77, размешчанай на сайце канцэрна «Белнафтахім» (https://www.belneftekhim.by/ru/prices-ru/view/vypiska-iz-prikaza-o-porjadke-regulirovanija-kontsernom-laquobelnefteximraquo-4388/), усталяваны гранічны нарматыў рэнтабельнасці, які выкарыстоўваецца для вызначэнны сумы прыбытку, якая падлягае ўключэнню ў цану бітума дарожнага, які вырабляецца і рэалізуецца на тэрыторыі Рэспублікі Беларусь і выкарыстоўваецца пры будаўніцтве і абслугоўванні аўтамабільных дарог, мастоў і тунэляў, фінансуемых поўнасцю або часткова за кошт сродкаў рэспубліканскага і (або) мясцовых бюджэтаў, у тым ліку дзяржаўных мэтавых бюджэтных фондаў, а таксама дзяржаўных пазабюджэтных фондаў, знешніх дзяржаўных пазык і знешніх пазык, прыцягнутых пад гарантыі Ўраду Рэспублікі Беларусь, крэдытаў банкаў Рэспублікі Беларусь пад гарантыі Ўраду Рэспублікі Беларусь і абласных, Мінскага гарадскога выканаўчых камітэтаў, на узроўні не больш за 12 працэнтаў да планавага сабекошту.
На перыяд з 1 па 30 красавіка 2023 года ААТ «Мазырскі НПЗ» устанавіў наступныя цэны на бітумы дарожныя марак 50/70, 70/100, 100/150, якія рэалізуюцца ў Республіцы Беларусь арганізацыям, якія выкарыстоўваюць бітум дарожны пры будаўніцтве і абслугоўванні аўтамабільных дарог, мастоў і тунэляў, фінансуемых поўнасцю або часткова за кошт сродкаў рэспубліканскага і (або) мясцовых бюджэтаў, у тым ліку дзяржаўных мэтавых бюджэтных фондаў, а таксама дзяржаўных пазабюджэтных фондаў, знешніх дзяржаўных пазык і знешніх пазык, прыцягнутых пад гарантыі Ўраду Рэспублікі Беларусь, крэдытаў банкаў Рэспублікі Беларусь пад гарантыі Ўраду Рэспублікі Беларусь і абласных, Мінскага гарадскога выканаўчых камітэтаў:
на ўмовах пастаўкі франка-станцыя прызначэння – 978,06 руб/т з НДК,
на ўмовах пастаўкі франка-завод – 940,86 руб/т з НДК.
Для арганізацый, якія не падпадаюць пад вышэйназваныя крытэрыі, ужываюцца цэны, пазначаныя ў прэйскуранце №1 «Адпускныя цэны на нафтапрадукты, якія рэалізуюцца на ўмовах франка-станцыя прызначэння», зацверджаныя загадам старшыні канцэрна «Белнафтахім». Па стану на 04.04.2023 цана на бітум дарожны складае:
на ўмовах пастаўкі франка-станцыя прызначэння – 1712,38 руб/т з НДК.
05.04.2023
Загадам старшыні канцэрна «Белнафтахім» ад 03.04.2023 № 83 зацверджаны прэаскурант «Адпускныя цэны на нафтапрадукты, якія рэалізуюцца на ўмовах франка-станцыі прызначэння, які ўводзіцца ў дзеянне з 4 красавіка 2023 г.
Кошт 1 тоны з улікам НДК складзе:
- бензіна неэтыляванага АІ-92-К5-Еўра – BYN 2 819,71;
- бензіна неэтыляванага АІ-95-К5-Еўра – BYN 2 945,58;
- дызельнага паліва ДП–Л-К5, сорт С – BYN 2 700, 20.
Гэта пятае з пачатку сакавіка 2023 года зніжэнне цэн.
03.04.2023
24 сакавіка 2023 года начальнік упраўлення эканомікі Кіраўніцтва справамі Прэзідэнта Рэспублікі Беларусь Ю.С. Хількевіч у адпаведнасці з графікам наведвання членамі інфармацыйна-прапагандысцкай групы аганізацый Кіраўніцтва справамі Прэзідэнта Рэспублікі Беларусь, зацверджанага Намеснікам Кіраўніка справамі Прэзідэнта Рэспублікі Беларусь М.М. Рагашчуком ад 19 студзеня 2023 года, наведаў Дзяржаўнае прадпрыемства «Белзарубежгандаль» (далей – ДП «Белзарубежгандаль»).
Ю.С. Хількевіч азнаёміўся з арганізацыяй ідэалагічнай працы ў ДП «Белзарубежгандаль» і ў цэлым з працай прадпрыемства, інфармацыйным стэндам прадпрыемства, пратаколамі паседжанняў інфармацыйна-прапагандысцкай групы ДП «Белзарубежгандаль» і папярэдняй справаздачай аб выніках інфармацыйна-ідэалагічнай працы ДП «Белзарубежгандаль» за 1 квартал 2023 года, іншымі дакументамі.
Ю.С. Хількевіч азнаёміўся са станам вытворчай і працоўнай дысцыпліны на прадпрыемстве, праверыў стан працоўных месц супрацоўнікаў прадпрыемства, арганізацыю вытворчага працэсу ў ракурсе аховы працы, запытаў у супрацоўнікаў аб наяўнасці скаргаў і прапаноў.
Ю.С. Хількевіч выступіў перад супрацоўнікамі прадпрыемства з дакладам «80 год трагедыі ў Хатыні. Вынікі расследавання генацыду беларускага народу ў гады Вялікай Айчыннай вайны», праінфармаваў прысутных аб змесце выступлення Прэзідэнта Рэспублікі Беларусь А.Г. Лукашэнкі на жалобным мітынгу ў Хатыні 22 сакавіка 2023 года, наведванні Кіраўніком Дзяржавы музею і царквы ў Хатыні; нагадаў прысутным храналогію трагедыі ў Хатыні і імёны карнікаў, якія ўдзельнічалі ў расправе над мірнымі жыхарамі; гісторыю стварэння Дзяржаўнага мемарыяльнага комплексу «Хатынь»; расказаў аб расследаванні крымінальнай справы аб генацыдзе беларускага народу; агучыў факты захавання памяці аб ахвярах Велікай Айчыннай вайны ў плане реалізацыі Дзяржаўнай праграмы «Увекавечанне памяці загінуўшых у час абароны Айчыны» на 2021-2025 гады; у аўтаматызаваным банку дадзеных «Кніга памяці Рэспублікі Беларусь».
Дакладчык расказаў аб знешнепалітычных ініцыятывах Рэспублікі Беларусь у памяць аб генацыдзе беларускага народу: афіцыйны зварот у Генеральную Асамблею ААН, накіраванне Генеральнай Пракуратурай Рэспублікі Беларусь запросаў на адрас замежных арганізацый аб аказанні прававой дапамогі па крымінальнай справе аб генацыдзе беларускага народу; сумесныя з Расійскай Федэрацыяй крокі па гістарычнай праблематыцы барацьбы з фашызмам.
На зададзеныя пытанні Ю.С. Хількевіч даў вычарпальныя адказы.
03.04.2023
Кожны год 2 красавіка адзначаецца Дзень яднання народаў Беларусі і Расіі. Менавіта ў гэты дзень у 1996 годзе прэзідэнты дзвюх дзяржаў падпісалі Дамову аб стварэнні Супольнасці Расіі і Беларусі.
Праз год, 2 красавіка 1997 года, яна была пераўтворана ў Саюз Беларусі і Расіі.
25 снежня 1998 года кіраўнікі дзвюх дзяржаў прынялі Дэкларацыю аб далейшым яднанні Рэспублікі Беларусь і Расійскай Федэрацыі, якая вызначыла асноўныя задачы інтэграцыі: узгадненне знешняй палітыкі, пытанняў абароны і бяспекі, стварэнне адзінай эканамічнай прасторы, забеспячэнне захавання правоў грамадзян і іншыя пытанні.
А 8 снежня 1999 года ў Маскве Б.М. Ельцын і А.Р. Лукашенка падпісалі Дамову аб стварэнні Саюзнай дзяржавы, якая ўступіла у сілу 26 студзеня 2000 году.
Усе гэтыя гады Рэспубліка Беларусь і Расійская Федэрацыя мэтанакіравана ідуць па шляху інтэграцыі. Увесь гэты час Расія была і працягвае заставацца асноўным стратэгічным і эканамічным партнёрам Беларусі.
22.03.2023
Як вынікае з інфармацыі, апублікаванай на сайце канцэрна «Белнафтахім», загадам старшыні канцэрна «Белнафтахім» ад 20.03.2023 года № 71 зацверджаны прэйскурант «Адпускныя цэны на нафтапрадукты, якія реалізуюцца на ўмовах франка-станцыі прызначэння», які ўводзіцца ў дзеянне з 21 сакавіка 2023 году.
Кошт 1 тоны з улікам НДК складзе:
– бензіна неэтыляванага АІ-92-К5-Еўра – BYN 2 862,91;
– бензіна неэтыляванага АІ-95-К5-Еўра – BYN 2 973,18;
– дызельнага паліва ДП –Л-К5, сорт С – BYN 2 726, 60.
Гэта трэцяе зніженне коштаў на працягу сакавіка 2023 году.
21.03.2023
Па кім звоняць званы Хатыні…
22 сакавіка спаўняецца 80 гадоў з дня Хатынскай трагедыі. Ведай і памятай!
22 сакавіка 1943 года беларуская вёска Хатынь была сцёртая з твару зямлі. Разам з вёскай былі спалены або растраляны 149 чалавек, з ніх 75 дзетак ва ўзросце да 16 гадоў.
І Хатынь не адна такая…Але менавіта яна стала сімвалам найвялікшай нацыянальнай трагедыі і вечнага смутку.
Аб трагедыях вогненных вёсак, аб тысячах мірных жыхароў, загінуўшых у нацыскім полымі, кожныя 30 секунд звоняць званы мемарыяльнага комплекса «Хатынь».
Каб памяталі.
14.03.2023
З мэтай аптымізацыі інфармацыйнага забеспячэння членаў прафсаюза, аператыўнага атрымання навін прафсаюзнага жыцця краіны і галіновага прафсаюза, па ініцыятыве старшыні прафсаюзнага камітэта Дзяржаўнага прадпрыемства «Белзарубежгандаль» Н.І. Верашчак, члены прафсаюза падпісаліся на тэлеграм-каналы Мінскага абласнога аб’яднання прафсаюзаў і Беларускага прафсаюза працаўнікоў дзяржаўных і іншых устаноў.
06.03.2023
Паводе інфармацыі ААТ «Мазырскі НПЗ» з другой дэкады сакавіка 2023 года будзе спынены выпуск дызельнага паліва ДП-З-К5 сорт F(зімовае) і пачнецца выпуск паліва дызельнага ДП-Л-К5 гатунак С (летні). Дадзены від паліва прызначаны для эксплуатацыі ва ўмовах умеранага клімату. Лімітавая тэмпература фільтравальнасці складае – не вышэй за мінус 5°C.
27.02.2023
22 лютага 2023 года дзяржаўным прадпрыемствам «Белзарубежгандаль» арганізаваны і праведзены семінар у «Нацыянальным мемарыяльным комплексе «Храм-помнік у гонар Усіх Святых і ў памяць аб ахвярах, выратаванню Айчыны нашай паслужыўшых» для супрацоўнікаў прадпрыемства, прысвечаны Дню абаронцаў Айчыны і Ўзброеных Сіл Рэспублікі Беларусь, а таксама ў мэтах тлумачальнай і агітацыйнай працы аб значнасці захавання міру і згоды ў грамадстве, духоўных каштоўнасцей.
Супрацоўніца Храма-помніка азнаёміла ўдзельнікоў семінара з:
- гісторыяй стварэння Храма-помніка, экспазіцыямі музея, прысвечаннымі ўсім войнам на тэрыторыі Беларусі;
- непагаснай лампадай у крыпце, запаленай ад святога агню;
- святынямі крыпты, пахаваннямі рэшткаў трох невядомых салдат – воінаў Айчыннай вайны 1812 года, Першай сусветнай вайны і Велікай Айчыннай вайны 1941-1945 гадоў;
- капсуламі з зямлёй з канцлагераў, а таксама з розных месц зямнога шару, злучанымі са знакавымі для беларусаў ваеннымі і трагічнымі падзеямі гісторыі Беларусі;
- памятнымі знакамі аб аварыі на Чарнобыльскай атамнай электрастанцыі, трагедыі на Нямізе, тэракце ў мінскам метро;
- рэшткамі вядомых гістарычных дзеячаў, мемарыяльнымі дошкамі па перыметры, уплеценымі ў арнамент пласцінамі з імёнамі загінуўшых.
Удзельнікі семінара наведалі Ўсіхсвяцкі Храм і азнаёміліся з яго афармленнем, гісторыяй стварэння і асвячэння, сучаснымі падзеямі, злучаннымі з Храмам. Вышыня Храма разам з крыжам – 74 метра. Храм у гонар Усіх святых мае форму шатра, увенчанага крыжом. Шацёр сімвалізуе Божыю Маці і Хрыста, як главу Царквы. У аснове шатра лічба дзевяць, якая складаеца з васьмі шырокіх граняў з геаметрычным цэнтрам – яго вяршыняй. У крыпце (ніжэй алтарнай часткі храма) сабрана зямля з палёў усіх вялікіх гістарычных бітваў у абарону Беларускай зямлі. Злева і справа ад шатра знаходзяцца два бакавых прыдзела – яны нагадваюць аб суайчынніках, якія загінулі ў часы войн. Пяць купалаў Храма-помніка ўстаноўлены ў гонар Усіх Святых Беларусі, у памяць усіх загінуўшых за Айчыну воінаў, усіх без віны закатаваных у турмах і лагерах і ўсіх забітых дзяцей.
Іканастас і кіёты прыдзелаў Храма выкананы мастакамі іканапіснай майстэрні «Палехскі Іканастас», якія засяродзілі сваю дзейнасць на стварэнне ўнутранага зместу Храма ўнікальнымі творамі царкоўных інтэрьераў, іконамі праваслаўных святых.
У выніку праведзенага семінара супрацоўнікі дзяржаўнага прадпрыемства «Белзарубежгандаль» азнаёміліся з унікальным не толькі для Беларусі, але і за ее межамі, Храмам-помнікам у гонар Усіх Святых і ў памяць аб ахвярах, выратаванню Айчыны нашай паслужыўшых, гісторыяй яго стварэння і сучасным інтэрьерам, славутасцямі і святынямі; ушанавалі памяць ахвяр войн і сацыяльных трагедый і катастроф на тэрыторыі Беларусі; ацанілі значнасць захавання міру і згоды ў грамадстве, павагі да духоўных каштоўнасцей людзей розных нацыянальнасцей і веравызнанняў.
